SERONDA Y AMAGÜESTU

El día 4 de payares festexamos “L’ Amagüestu” y les xeres d’ aula dexaron paso a les actividaes nel patiu; castañes, sidra dulce acompangaes de bona música por parte del dúu de gaita y tambor ………….. colos que baillamos la Danza Prima.

Los neños d'Educación infantil ficieron nel aula un taller pa ellaborar unes castañes coles que diben aguapiaos; estes castañes yeren adornu y nelles podía metése les castañes amagostaes. Asistieron tamién a una sesión de xuegos, cantares y globoflexia.

Na Educación Primaria trabayaron en talleres diversos col envís de conocer dalgunos de los oficios tradicionales d’ Asturies (encaxe, cerámica, cueru y escanciáu). Los neños ellaboraron ellos mesmos la montera picona, el logotipu de la fiesta y decoraron los vasos pa tomar la sidra dulce.
Pa saber más sobre esti día, hai qu' echar una güeyada al periódicu de la clas de Llingua Asturiana ellaboráu polos alumnos del tercer ciclu "El Cuallotín de Roces"